أنت أبوي
أنت أخوي
أنت زوجي
أنت ولدي

أنا عايشه معاك
ومشاركه حياتي وياك
أنا منك وفيك

يهمني أمرك وحياتك غاليه علي
وبالنسبه لي أنت كل شي

جاوبني بصراحه
ولاتعطيني مبررات

وشهي قيمة حياتك دامك تضيّعها بيديك .؟

هذا يسرع ..!
هذا يدخن ..!
هذا يشرب ..!
وهذا .. وهذا .. وهذا ..

مااظنك تجهل اللي قاعد تسويه .؟ ولاهو طيش عديته من سنين .؟
ابسألك بربك
كيف يطاوعك قلبك .؟
ماتخاف على نفسك .؟
مافكرت بأهلك .؟ مافكرت باللي حولك وباللي يهمهم أمرك .؟
ليتك تفكر قبل لاتسويها
مو بنفسك لا
فكر
بأمك وأبوك
أختك وأخوك
زوجتك وولدك

.
.

تأمّل معاي

[img]http://gulf-
g.net/uploading/_39103798_marlborobody2033.jpg[/img]





سؤالي موجه مارح أقول لـ ِ " المستهتر بحياته وحياة اللي حوله "
ورح أقول للي اختلطت معه الأمور وانجرف تحت الضغوط وكلمة تعودت

تعرف
شنو جرم اللي يقتل نفس .؟ وشنو عقابه بالدنيا والآخرهـ .؟
تعرف
أو قد مرهـ بالغلط سمعت " ولاتلقو بأنفسكم للتهلكه " .؟
تعرف
كم عدد اللي ماتو وخسرو حياتهم وحياة أشخاص مالهم ذنب بسبة ضغطة بنزين .؟
تعرف
كم عدد اللي جتهم جلطه وأمراض خبيثه وضيق تنفس وآذو خلق الله بالربو واخنقو حالهم وغيرهم بدخان وشيشه ومعسل .؟
تعرف
كم عدد اللي تسممو بدمهم وسممو دم عيالهم وخربو بيوتهم وضيعو حياتهم بكم كاسة تعدل لهم المزاج .؟
تعرف
كم عدد اللي مرضو وماادرو ونقلو المرض لأهلهم بسبة سهرهـ قضوها .؟
تعرف أو لا .؟ جاوبني ..!
.
.
سؤالي لكل شاب يمر على الموضوع
اذا كنت للأسف من اللي انذكرو بالموضوع او كان لقريب لك او لصاحبك
وشو انطباعك .؟ ومتى بترجع لصوابك .؟ كم هو نسبة الأمل بأنك تتغير .؟ على الأقل قد بيوم حاولت أو على الأقل فكرت .؟
عطنا تجربتك ، وخلنا نستفيد .؟ هل مر عليك وخسرت عزيز لك لمثل هالأسباب .؟
محتاجه ألقى جوابك وانا منتظرهـ أسمعك

اتمنى ماكون ثقلت بطرحي
واكون لامست شي بداخلكم يفوّقكم
واعذرو غيرتي عليكم
لأن صار كل يوم تزيد خسارتنا لشاببنا وبيديهم ماهو غصب عليهم
وبس صدقوني
يهمني أمركم

الله يهديكم ،، ويصلحكم
دمتم بصحه وسلام

.
.


مع التحيـــــــــــــــــه