ما هي حياة إلاّ عذاب إنكتب لي
ورضيت أعيش الحاضر بذكرياتي

**

وشهي عيوني لا إختفى عنّي الضي
وشهو الفرح لا من جفاني غناتي

**

قلبي عروقه يابسه والوصل ري
الله واكبر كيف ترضى مماتي

**

حب الطهاره والوفاء ما عرف غي
وضريبته يا زين أبكتب وصاتي

**

بس الغريبه حالة الميت الحي
جثّه تصيح من الألم ما تباتي

**

خلاص أبرحل لأجل عينك وأنا في
شوقٍ لكل اللي مضى وامنياتي

**

عابر سبيل أو عدّني طالب الفي
أو ظاميٍ رام السراب المواتي

**

برحل يا أجمل من عشقته مهو لي
لأني أحبك فوق حبي لذاتي

**

حبك طوى الولهان ياصاحبي طي
طيّ الزمن لأيام راحت فواتي

**

ودّك تأكد لا طلبت الوصل عيّ
وأكيد أبدعي لك بسجدة صلاتي

**

ما أظن لي طبٍ بالأعشاب والكي
شوفك وشمّة ريحتك هي نجاتي

**

وإن غاب عني الصوت أنا بقصد الحي
لو كان في حي البديعه وفاتي