السلام عليكم ورحمة الله وبركاته
نفتح هذا الموضوع وطبعـاً سيكون موضوع
متحدث وهو عباره عن تجميع قصائد شاعرنـأ
لمنتديات قمر السعوديه اللذي ابهرنا بقصائده الرائعه نصاً وعزفاً وصوت ملئته العذوبه ، فل نحيـه
أخي العزيز / عاشق الصمت
وهذا قليل لنقدمه له واتمنى منكم الاعجاب في ماسأقدم تحيتي وودي وأحترامي لشخصكم
غرام أطفال

وهنا تتلاشى اول قصيده طرحهـأ
في حنيا قسم القصيد

يقولون الغريب ان طالت الغربة تراه يعود

يقولون الغريب ان طالت الغربة تراه يعود
وانالي غربة طالت ذهاب ومالهاعودة
رحلت بخافق يحمل شقاي وخاطرملهود
تمرجح به عصا هم على الاكتاف ممدودة
زهابي قربة عطشى ولابه بالطريق اعدود
ويجبرني ضماي اطرد سراب تكذب اعدوده
تحت شمس الهجير امشي بحيل من التعب مهدود
ورجلين من الرمضا تذوب وحيل مهدودة
ابي عن لاهب الصحرا ظلال من الشجر ممدود
ولكن الطلاح الي تجيب الظل مجرودة
قعدت اسحب خطاوي رحلتي في مهمه مجرود
عناوين الحياة بطرقته ماهيب موجودة
قفارمابها غيرالمتاهة والطوال السود
جبال كل ماجاها الكلام تعيد مردودة
يتيه ابهاالظلام ومابها للعابرين قعود
بها ليل توشح بالسواد وغابت شهوده
تطيح بهاالهقاوي كل ماليل الظلام يزود
على رمل الوعود الي قليل تصدق وعوده
وانافي وسطها ضامي ولاعن حالتي منشود
مغير اقضب تلابيب الثرى واقبل اخدوده
وشديت العزوم ابغى دليل من الأثر موجود
اثاري كل ماهب الهبوب تضيع مفقودة
واعانق بالخلا همة بحبل من الصبر مشدود
واخايل بالسما برق كريم ترزم رعوده
عساه يبلل ارياق الجفاف وترتويه كبود
وتخضر القلوب الي بزين الحال موعودة
بعد مليتها رحلة عذاب مابها مردود
وقفت احزم حقايب همة بالله مشدودة
مدام ان الأمل باقي بلطف الواحد المعبود
تبي تفرج على عبد وثق بوجود معبوده


كل المشاعر

ياهايمـة فينـي ابيـك =عارف غرامي حيرك
ومن الغلى اعتب عليك =وقول لك وش اخـرك
وانا معك اوله عليـك =حتى فمنامي اذكـرك
ياهايمة فيني ابيك
حتى ولو طال الغياب =دايم في بالي مظهـرك
يكفي على قلبي عذاب =اسأل عيوني تخبـرك
ياساكنة وسط السحاب =ليت السحابة تمطـرك
ياهايمة فيني ابيك
انتي بعيدة فـي الفـلا =ليتك قريبـة واسـرك
ابيـك ياكـل الـغـلا =تمسح دموعي واشكرك
تعـال ياعمـري هـلا =كل المشاعر تنطـرك
ياهايمة فيني ابيك


مشتهيك


مشتهيك بكـل حـزة مشتهيـك=تقعد قبالي واطالـع صورتـك
مع شروق الشمس والله مشتهيك=حيث نور الشمس يشبه طلعتك
لوهجير القيض فوقي مشتهيـك=اتفيـا عـن سمومـه فيـتـك
مع غروب الشمس دايم مشتهيك=ليـن ذابـت فـي ثناياغرتـك
مع سواد الليل وحدي مشتهيـك=تنـور الدنيـا بزاهـي طلتـك
كل ماشفت الحمامـة اشتهيـك=شابهت مشي الحمامة مشيتـك
البلابـل لاتغـنـت اشتهـيـك=رددت كـل البلابـل غنوتـك
لاجفل ضبي الحمادة اشتهيـك=فزتـه ياشـوق تشبـه فزتـك
وان طرا للحور طاري اشتهيك=من جمال الحور خذتي رسمتك
الله الله كـل حـزة اشتهـيـك=اقعد قبالك واطالـع صورتـك





الرحيل

رح تراني مانويت اركـض وراك=مانويت اغمر شموخي في الوحـل
مطري الفرقى قبل طـاري لقـاك=مابغيـت اخـدع فـؤادي بالأمـل
يوم اعيشك قصدي اوصل منتهـاك=قصدي اعرف في فؤادك لي محل ؟
كنت واثـق مـن حقيقـة مبتغـاك=ادري انــك بالتـسـلا ياعـسـل
كل هـذا بـس اجـاري مستـواك=اتجـول فـي طموحـك ثـم افـل
صدقينـي لـو عطيتينـي هـواك=كان قلبـي توجـك تـاج الغـزل
كان والله ماأبـي غيـرك سـواك=واقتلـه حـب علـى حبـك نـزل
وازعل العالم على سبـة رضـاك=وافتخر فـي حبنـا مهمـا حصـل
واجبر الخطوة على مشيت خطـاك=واتبعك لوكان تسكـن فـي زحـل
واكتب الأشعار في زاهـي بهـاك=وانثر الأشواق فـي احلـى جمـل
واجعل ازهار الوفا تمـلا سمـاك=وارسمك في خاطري بـدر كمـل
من ينابيـع الغـلا بسقـي ضمـاك=واكسي ارضك كلها شيـح ونفـل
لكن انتي مـن قتـل باقـي غـلاك=في يدينك تقطعـي حبـل الوصـل
اعذرينـي لـو جفيتـك يـامـلاك=سامحينـي لـو بـدا منـي زلـل
في النهاية ياعسـى يسعـد مسـاك=الغريـب اليـوم قـرر يرتـحـل





سراب لحب

ارتسم طيفك علـى كبـد السمـا=واختلط لونك مع لـون السحـاب
شعرك اللي يوم حـول وارتمـا=فوق خد الصبح لين النـور ذاب
ماعليناكـان هالـكـون انعـمـا=مـن سنانـورك يكفينـا شهـاب
آه واويــلاه يـاعـذب اللـمـا=من سمح لك تلبس الغيمـة ثيـاب
بنتظرصـادق سحابـك لاهـمـا=يمطرك فوق الصاري والهضاب
واروي اعروق الخفوق اللي ضما=ماحلاعقـب الضمابردالشـراب
ينتشي عقـب الحيـاروض نمـا=تزهرجبالـه وتخضرالشـعـاب
بس طيفك من على ارضي زمـا=تـايـه بـيـن الثرياوالـتـراب
والضباب اللي على عينـي غمـا=انجلاعنهـاوذاك الطيـف غـاب
واحسايف ركضتي واحسبك مـا=صارعطشان الهوى يطرد سـراب




علميني

علميني كيف اكتب لـك شعـر / علميني كيف ارسلـك شجـون
لوبغيت اكتب عن اوصافك نثر / صابني من كثرة الحيرة جنـون
لك وصوف واجـدة ماتنذكـر / فيك مجمع كثيـر مـن الفنـون
كيف ابجمع في يدي نور القمـر / والقمر نوره على خدك يمـون
كيف ابكتب عن ظلام وعن سفر / كيف اعبر لك عن اهداب الجفون
كيف ياروحي ابرسم لـك ثغـر / ثغرك الباسـم يقـرب للمنـون
كيف ابصورقوامـك والخصـر / كيف كتفك كيف ردفك والمتون
كيف شعرك يوم حول وانتثـر / مع نسيم الليل يسبح في مجـون
صوتك الحاني على قلبي مطـر / طشه البارد كماطـش المـزون
بعد هذا عن وصوفـك بعتـذر / باقي اوصافك كثيـرة يافتـون
انت تبغاني اموت مـن القهـر / لاذكرت انك بعيد عـن العيـون



عشق الالوان

قالوا لي العذال واللي معايا
وش صايب حاله وش اللي دمرها
ياناس كفوا لا تزيدوا عنايا
خفوا على نفس تزايد خطرها
خلوني اسبح في ملذة هوايا
حتى ولو عيني تطاول سهرها
لي صاحب سموه عذب السجايا
كنه شعاع الشمس والا قمرها
متمكن حبه بوسط الحنايا
والنفس من رقة حنانه غمرها
لو تعرفون وصوف زين الحلايا
ما كان قلتوا حالته وش دمرها
خلي مع الألوان صاير حكايا
عنده عن الوان الطبيعة خبرها
كنه عن الألوان يروي رواية
رواية بالحب يجري نهرها
بين الرموش السود جيش وسرايا
ورموش عينه تاسر اللي نظرها
واللون الأبيض لون غر الثنايا
مثل الشبوب اللي نزل مع مطرها
واللون الأحمر لون عذب الشفايا
يبقى طعم ريقة حراوي شهرها
والخد وردي ساطع كالمرايا
يعكس ملامح صورة اللي نظرها
والشعر الأشقر عاقبن الشطايا
لا جت تبي تجلس سبقها شعرها
الوان خلي زاهيات بهايا
يجذب مسافة يوم ريحة عطرها
وباقي من الوان الحبيب خفايا
متخبيات بثوبها اللي سترها
عشقي مع الألوان ما هو دعايا
عشق قديم له حياتي اسرها



ظالمني

عزي لقلب يسهـر الليـل وينـوح
ويطوح الونـات صبـح وعشيـة
بيحت سدي ياملا صرت مفضـوح
بامر اللـذي خـلا حياتـي شقيـة
ياصاحبي مالك من الظلم مصلـوح
من جور حكمك شوف حالي ردية
انا عطيتك مهجة القلـب والـروح
واهديت لك كل المشاعـر هديـة
عرفت فيني لهجة السـر والبـوح
صادق صدوق وصادق الـود فيـه
الوقت ذابحني وانا منـك مذبـوح
لقيت طعناتـك مـع الوقـت ميـة
قلبي كسير وخاطري منك مجروح
وشلـون تقسـى ياحبيبـي عليـه
هين جروح الناس اوقات واتـروح
لكن من الغالـي تراهـا قويـة ؟!
ظلمتني يازين مسمـوح مسمـوح
هجرتني من دون ذنـب وخطيـة
مجبور اسامح والخطامنك مدمـوح
عين الرضى عن كل خل رضيـة
هذي وصاتي لاريش العين بوضوح
واما رضى فاقروا علـي التحيـة



قصة أحزاني

صحيح انه خذاني الشوق =لـك يـاذوق بالعـنـوة
خذاني مركب العشـاق =بليـل خافـت ضــوه
علـى بحـرك تخاوينـا =تعاهدناعـلـى الـخـوة
عشقتك والهـوى ذبـاح =تروح الروح لك فـدوة
انابهـديـك ياعـمـري =حياتي واثـق الخطـوة
عطيتـك والله المعطـي =نخيتك وانت لي عـزوة
ابيـك تضمـهـا روح =نزيف جروحهـا جفـوة
طعنها الوقـت بغيابـك =وعيـت تقبـل السلـوة
تبي ترتاح فـي قربـك =ترا قربـك لهـا منـوة
تبي تغفى على شوفـك =ولا تصحى من الغفـوة
خلاص انتـي ملكتينـي =تـرا برضـاي موقـوة
وهذي قصـة احزانـي =حيـات كلهـا قـسـوة
رواها لك رفيـق الليـل =وصارت قصتي غنـوة
عزفها صادق الأشـواق =بلحـن ماكمـل تــوه
انا آسف حبيب الـروح =وسامحني على النـزوة



همس الليل

يبين لون الليل لا غابت الشمس
لاذابت عيون الشفق في بحرها
اصير همس الليل ويصير لي همس
اصبح رفيق لي وروحي اسرها
اشكي هموم اليوم والبارحة وامس
احكي عنايه للنجوم وقمرها
وارقى على متن القمر والمسه لمس
واسامره والنفس يذهب كدرها
اشكي عليه اللي حمس مهجتي حمس
هذي حروق القلب بين اثرها
واليا نعس جفن القمر صابني عمس
ماعاد اميز ليلها من سفرها
ارقب غيابه واصفق الخمس بالخمس
حيثه نديم النفس حزة سهرها
حتى النجوم بغيبته صابها خرس
كنه تكلم بالسكوت وأمرها
واليا اختفى نور القمر وارمس رمس
لملمتها جروحن تزايد خطرها
قصة فؤاد(ن) بالهوى انغمس غمس
لاجا سواد الليل يروي خبرها




بحر الصمت

على حد السكوت الي جرح خد الكلام وذاب
وقفت اودع البسمه ابقتلها على شفاتي
سعيت ادور الفرحه وادور للهنا اسباب
تعبت وتاهت ادروب السعاده في مساحاتي
طويت الحزن بيديني وفصلته على ثياب
تقول ان الحزن فيني شقا مخلوق في ذاتي
عشقت الليل لاطبق على عين النهاراهداب
وغنت به نجومن في سماه ترددآهاتي
قصيد من الأسى سطرعلى لوح الزمان كتاب
حروفن حبرها دم الوريدوسيل دمعاتي
على غدرالزمان الي وقف مع صدمة الأصحاب
خساره كل ماسامح خطاك تزيدصدماتي
الاياحظي المقفي تراعندي عليك اعتاب
قبل لا تبتعد عني تعال وشيل شرهاتي
تصد بضحكتك عني واناالي ماحسبت احساب
عوافي كانهاهانت عليك اليوم عبراتي
اشيلك هم في صدري ولا افتح للعواذل باب
اشفرموجة الونة ولو تكبر معاناتي
صحيح ان الغلافاضح صحيح ان الهوى غلاب
ولكني اموت ولايهز الذل راياتي
تلوم الناس ماتدري واناالي بالجفا منصاب
ادوس الجمره برجلي وابين دوم ضحكاتي
الاياهمن بصدري ترعرع بالخفوق وشاب
مادام انك على قيد الحياة اكتب نهاياتي



أمي الحبيبه


امـي بداخـل مهجتـي منزالهـا



تقديرهـا مـع حبهـا واجلالهـا



يالله تحفظهـالـنـا يـاربـنــا



ويزيد عنـدك يالولـي منزالهـا



ياكـم عانـت والحمـال فبطنهـا



تسعـة شهـور مثقلـة باحمالهـا



وياكثرماشافت من همـوم وتعـب



تسهر على راحة جميـع عيالهـا



تتعب اذا شافت حدانـا منزعـج



تهتم مـن همـه وتشغـل بالهـا



واذا تعرض واحـد منـا مـرض



لراحـة تسهـر وتنسـى حالهـا



واذا تأخـر واحـد عـن حزتـه



ماتهتنـي فـي ليلهـا عزالـهـا



ياماتحرتنـا علـى حـد العتـب



فـي كـل ليلـة واقفـة بجلالهـا



متواكلة وتناظـر لبـاب الحديـد



وتراقـبـة باقفايـهـا واقبالـهـا



لونتاخـر ماتـمـل الانتـظـار



الليـل كلـه تسهـره بالحالـهـا



ياكم نبهذلهـا ونرفـع ضغطهـا



مـن عفرتتنـا كاثـرن غربالهـا



مير آه ياكبر الحنـان بصدرهـا



كثـر الشقـاوة مننـا تحلالـهـا



وان كانها ضاقت تحلت بالصبـر



ذيك امنا الـي وافيـات خصالهـا



في عمرها ماقصرت مع والـدي



وتـقـدره باقوالـهـا وافعالـهـا



وهي بعد ماقصـرت فـي بيتنـا



في كـل يـوم قايمـة باعمالهـا



هي قمة الرحمة وعنـوان العطـا



هي مصدر الطيبة وهـي تمثالهـا



ماقصرت ماقصرت والي مضـى



من فعلها ياخـوك طيـب فالهـا



والباقي الباقي نـرد الهـا الجـزا



حـق علينـا برهـا واوصالهـا



واليا رضت يرضى علينـا ربنـا



هني منـه بالرضـا يسعـى لهـا



امـك وامـك ثـم امـك يالفهيـم



واعرف ترا الفردوس تحت ظلالها



والخاتمة صلوا على سيد البشـر



عد الطيور وعـد حـب رمالهـا



المعذره ياشوق

عزاه ياشوق يجي يوم ويروح
مدري وش الي حال دوني ودونه
الشوق جمرة تحرق القلب ويفوح
من حرها شفت العنا والمهونه
لاتستفز القلب والقلب مجروح
قلب ليا صديت زادت شطونه
لاقلت لي ببقى ولا قلت باروح
ارحم خفوق منك كثرت طعونه
ترا الجفا والصد مافيه مصلوح
هذا اللذي كل العواذل يبونه
العين تبكي والغلاصارمفضوح
والروح راحت من عناك مغبونه
والحال ناحل واعذب الصوت مبحوح
عزي لمن صارت عظامه تخونه
المعذرة ياشوق لوراحت الروح
مدام وصلك مقفيات مزونه
الموت لاجامنك يازين مسموح
كان الغلا بالموت جهزكفونه
مادام عرق الوصل بالصد مذبوح
اصبر لشوق قلوبنا يدفنونه
واليا دفنت الشوق اكتب على اللوح
مرحوم ياقلب تهاوت ركونه
وافتح دهاريز العزا وانت مبيوح
واقبل عزا الي فيك خابت ظنونه

طاري الشوق
الشوق خيل وطاري الشوق خيال
خيل المحبة للمحبين تجري
شوق الغلا جامح وللخل ميال
لاهب نسناس المحبين عذري
وارسل معاه الشوق والشوق مرسال
ويجيب لي طاري هوى الروح بدري
لامن طرت غنى لها الشوق موال
موال غنيته من ابيات شعري
يازينها لاجت تمشى على البال
لاجت تثنى في ممرات فكري
دايم تبخترفي خيالي وتختال
خيالها دايم على البال يطري
كن الهجوس لطيفها صار مدهال
طيف يبات وطيف بالليل يسري
حطت لها في داخل الجوف منزال
مبطي وهي تملك مساحات صدري
وش عاد لوحطت على القلب تمثال
وش عاد خلوهاعن الحب تدري
يبقى غلاها لو علي بعدها طال
مادامهاقلبي وروحي وعمري




نلقي نظره للعزف الجميل بنظري
سأوافيكم بما طرحة شاعرنا
المتآلق .. !


حكاية حب

http://upload.9q9q.net/file/hkg963VXT2x/حكاية%20حب.


سراب الحب


http://upload.9q9q.net/file/beakjh85ZWu/طيفك%20سماوي%20ع.RA.html



ياشوق


بصوت أخيه... )




http://file12.9q9q.net/Download/59686142/1-----.mp3.html



وفي الاخير اشكركم لتواجدكم
فعلا قصائد اخاذه لبحر الشعر الجميل
فمنم نالت أعجابه فلـ يسجل تقييـمه
وكل ماهو جديد لشاعرنا سأضعه
بديوانه اللذي من تجميعي البسيط
وماخفي أعظم واجمل
ياهلا ومرحبا فيكم